Қизириқ туманнинг «Кунчиқиш» маҳалласи ҳудудидан ўтувчи 4Р-100 автомобиль йўлининг 103-км. да автотранспорт ҳодисаси юз берди.
Жарқўрғон тумани “Нурлидиёр” маҳалласида яшовчи Шокир Саломов (исм-шарифи ўзгартирилган) бошқарувидаги «КАМАЗ» русумли автоулови билан Жарқўрғон-Қизириқ йўналиши бўйича кетаётиб, қарама-қарши томонидан ҳаракатланиб келаётган «ВАЗ-2106» русумли автоулови билан тўқнашади.
Натижада «ВАЗ-2106» русумли автоулови ҳайдовчиси А.Қодиров тан жароҳати олиб, касалхонага тушади. Бироқ орадан бир неча кун ўтиб, фуқаро касалхонада вафот этди.
Ҳолат юзасидан Жиноят кодексининг 266-моддаси 2-қисми билан жиноят иши қўзғатилди.