12 декабр куни Уругвай фуқароси Россиянинг Ленинград вилоятидаги ёзги далаҳовлисида 15 миллион рубл (МБнинг ҳозирги курси бўйича 2.2 млрд сўм) миқдоридаги пул ва қимматбаҳо бойликларини йўқотди. Полиция Ўзбекистон фуқаросини ўғирликда гумон қилиб ҳибсга олди. Бу ҳақда nevnov.ru хабар бермоқда.
18 декабрда гумондор шахс Санкт-Петербургдаги Невский майдонида ҳибсга олинган. Гумондорнинг Ўзбекистон фуқароси эканлиги маълум бўлган. Гумондордан 2.2 млн рубл, 2 минг евро ва заргарлик буюмлари тортиб олинган.
Борис Грива мавзесида яшовчи уругвайлик уйидан 196 минг евро, заргарлик буюмлари, қўл телефони, сариқ рангдаги “Биткоин” тангаси ҳамда банк картаси ўғирланган.
Ҳозирда тергов-суриштирув ишлари олиб борилмоқда.