Жиззахда музлаб қолиши мумкин бўлган 18 кишига ёрдам кўрсатилди
16.12.2019 16:20,
708
Жиззахда қорнинг кўп ёғиши оқибатида йўлда қолиб кетган 18 кишига ёрдам кўрсатилди.
Фавқулодда вазиятлар вазирлиги хабарига кўра, 14 декабрь куни вилоят бошқармасининг навбатчилик қисмига “Ғаллаорол-Қўйтош 4Р” йўлининг 42-километрида қорнинг кўп ёғиши оқибатида автобус ва енгил автомобиллар йўлда қолиб кетганлиги тўғрисидаги хабар келиб тушган.
Вилоят ФВБ қутқарув гуруҳи зудлик билан воқеа жойига етиб борган.
Қайд этилишича, олиб борилган тезкор ҳаракатлар натижасида “ISUZU” русумли автобус, “Cobalt” ва “Volga” русумли енгил автомобиллар салонидаги 18 нафар фуқаро эвакуация қилинди.