Rossiya shifoxonalari yana alanga ichida qolmoqda

Rossiya shifoxonalari yana alanga ichida qolmoqda

Rossiyaning Zelenodolsk shahridagi shifoxonada yong‘in chiqdi. Bu haqda TASS xabar beradi.

Tatariston favqulodda vaziyatlar boshqarmasi xabariga ko‘ra, Zelenodolsk shahridagi ikki qavatli yong‘in haqida xabar Moskva vaqti bilan 22:15 (00:15 tshv)da yetib kelgan. Yong‘in birinchi qavatdagi xonada sodir bo‘lgan, 16 minut davomida 5 kvadrat metr joy yongan. Soat 22:31 da alanga o‘chirilgan. 88 nafar bemor qo‘shni binoga ko‘chirilgan.

Yong‘in natijasida 3 kishi halok bo‘ldi. Yana 3 kishi tan jarohati oldi.

Tergov idoralari mamlakat jinoyat kodeksining 219 moddasi (yong‘in xavfsizligi talablarining buzilishi) bo‘yicha jinoyat ishi ochgan.

11 may kuni Krasnogorsk shahridagi (Moskva viloyati) qariyalar uchun mo‘ljallangan kasalxonada yong‘in sodir bo‘lgan edi. Hodisa 10 kishining o‘limiga sabab bo‘lgan.

10 may kuni Moskva shimolidagi koronavirus bilan og‘rigan bemorlar yotgan 50-sonli shahar klinik shifoxonasida yong‘in kelib chiqqan edi. Alanga bir kishining hayotiga zomin bo‘lgan.